БНСУ-ын агаарын тээврийн “Korean Air” компани ирэх гурван жилийн хугацаанд 44 онгоцоо худалдана гэх мэдээлэл олон улсын хэвлэлээр цацагдаж эхэлжээ. Хямд үнэтэй агаарын тээврийн компаниуд зах зээлд орж ирснээр БНСУ-ын агаарын тээврийн гол компанийн орлого хоёр жил дараалан буураад байгаа аж.

“Korean Air”-ийн мэдээлснээр, өнгөрсөн онд олон улсын нислэгээр 16.6 сая зорчигч үйлчлүүлсэн нь өмнөх оноос 0.3 хувиар буурсан үзүүлэлт юм байна. Үүний улмаас олон улсын нислэгийн зах зээлд тус компанийн эзлэх хувь 29.2 хувь болтлоо буурсан гэсэн үг. Түүнчлэн дунд болон ойрын зайн тээврийн зах зээл дэх хувь хэмжээ нь ч мөн буурсан үзүүлэлттэй гарсан байна. Үүнээс гадна тус компани өр төлбөрөө гүйцээж, санхүүгийн байдлаа сайжруулахын тулд хувьцаанаасаа 455 сая ам.долларын багцыг борлуулахаар шийдвэрлэжээ.

М.АМАРЖАРГАЛ