Сар шинийн баяр болох гэж байгаатай холбогдуулан хүн амын төвлөрөл ихтэй худалдааны төвүүдэд халаасны хулгайн гэмт хэрэг өсөх хандлагатай байгаа аж. Амралтын өдрүүдэд алба хаагчид Нарантуул худалдааны төв дээр эрчимжүүлсэн арга хэмжээ авч, тус төвийн цагдаагийн хэлтсийн судалгаанд байдаг 16 хүнийг хүний хөдөлгөөн ихэсдэг 12-18 цагийн хооронд түр саатуулан урьдчилан сэргийлэх арга хэмжээ авч ажиллажээ. Одоогийн байдлаар халаасны хулгайн гэмт хэрэг байнга үйлддэг 8 эрэгтэй, 8 эмэгтэйг баярын өдөр өнгөртөл саатуулахаар болсон талаар цагдаагийн эх сурвалж мэдээлэв.

Цагдаагийн байгууллагаас "Сар шинэ" нэгдсэн арга хэмжээ явагдаж байгаатай холбогдуулан хүний хөдөлгөөн ихтэй томоохон худалдааны төвүүд, олон нийтийн тээврийн хэрэгсэл болон үзэсгэлэн худалдаагаар их хэмжээний бэлэн мөнгөтэй явахдаа сонор сэрэмжтэй байхыг иргэддээ анхааруулж байна.

Э.ЭНХ-ЭРДЭНЭ