Олон улсын жүдо бөхийн холбоо спорт сонирхогчдын дунд онлайнаар 2014 оны шилдэг жүдочдыг шалгаруулах санал асуулга авчээ. Энэхүү санал асуулгад дэлхийн аварга М.Уранцэцэгийг шилдэг гурван жүдочны нэгээр нэрлэсэн байна. Мөн манай эмэгтэй шигшээ багийг шилдэг гурван багийн нэгээр нэрлэжээ. Фэйсбүүкээр дэлхийн 519.000 жүдо бөх сонирхогчид хандаж нийт таван ангиллаар шилдгүүдийг тодруулсан байна. Олон улсын жүдо бөхийн холбооноос шалгарсан тамирчдад тусгай гэрчилгээ, шагнал олгохоор болжээ.

Д.ТҮВШИН