Авто худалдааны цогцолборт дуудлага худалдаа зохион байгуулна
Нийслэлийн Засаг даргын Тамгын газраас Сонгинохайрхан дүүргийн 32 дугаар хорооны нутаг дэвсгэр дэх “Авто худалдааны цогцолбор”-ын зарим байршилд дуудлага худалдаа зохион байгуулахаар болсон байна. Дуудлага худалдаа ирэх гуравдугаар сарын 5-ны өдөр нээлттэйгээр зохион байгуулах бөгөөд Нийслэлийн Засаг дарга Э.Бат-Үүл даргалан явуулах аж.
Харин дуудлага худалдаанд оролцогсдын хүсэлтийг гуравдугаар сарын 2-ны өдөр буюу худалдаа болохоос гурав хоногийн өмнө Нийслэлийн Өмчийн харилцааны газар битүүмжилсэн бүртгэлтэй хайрцгаар хүлээн авах юм. Улмаар дуудлага худалдаа эхлэхээс 30 минутын өмнө хайрцгийг хаах аж. “Авто худалдааны цогцолбор”-т худалдаа үйлчилгээний зориулалтаар 13 байршилд газар зарахаар болоод байгаа юм.
М.АМАРЖАРГАЛ
Сэтгэгдэл