Монгол мэргэжилтнүүд арьс, ширний үйлдвэрийн бохир ус, элдэв химийн бодисыг хүн байгальд сөрөг нөлөөлөлгүй болгох шинэ технологи бүтээжээ. Хөнгөн үйлдвэрийн судалгаа хөгжлийн хүрээлэнгээс энэ ажлын туршилтыг холбогдох яамдын тусламжтай амжилттай хийсэн байна.

Хөнгөн үйлдвэрийн судалгаа хөгжлийн хүрээлэнгийн судлаач, эрдэмтэн, доктор Ю.Дашбал “Энэхүү эко технологийг ашигласнаар арьс, ширний үйлдвэрүүд дотоод орчин болон ус, хөрс бохирдуулахгүй болно” гэж хэлжээ.

Уг технологийг манай эрдэмтэн судлаачид олон улсын туршлагаас судалж, өөрийн орны онцлогт тохируулан буулгасан байна. Одоогоор манайд арьс, шир боловсруулдаг 30 орчим үйлдвэр байдаг. Эдгээрт уг эко технологийг нэвтрүүлэх нь чухал гэдгийг мэргэжилтнүүд онцолжээ.

Э.ЭНХ-ЭРДЭНЭ