Эбола вирусын улмаас 3600 орчим хүн нас барсан Либери улсад эболагийн вакцины туршилт хийж эхэллээ. Анхны байдлаар вакцины туршилтад 30000 сайн дурынхныг хамруулсан байна. “GSK” болон “Merck” компанийн гарган авсан уг вакцин нь өвчний тархалтыг маш богино хугацаанд зогсоох үйлчилгээтэй аж. ДЭМБ-аас тус вакцинд ихээхэн ач холбогдол өгч, найдаж байгаа талаараа мэдээлжээ. Одоогийн байдлаар Эбола тахлын улмаас 9000 орчим хүн нас барж, нийт халдвар авсан хүний тоо 21000 хүрсэн байна.

Д.ТҮВШИН