Шударга өрсөлдөөн, хэрэглэгчийн төлөө газрын даргын 2015 оны 2 дүгээр сарын 13-ны өдрийн 1/7 тоот удирдамжийн дагуу Тээврийн хэрэгслийг зөөж шилжүүлэх болон дугуй түгжих үйлчилгээ нь Өрсөлдөөний тухай хууль, Хэрэглэгчийн эрхийг хамгаалах тухай хууль болон холбогдох бусад хууль тогтоомжид нийцэж буй эсэхийг хянан шалгах ажлын хэсэг байгуулагдан ажиллаж байна.

Уг хяналт шалгалтын хүрээнд тус зах зээлд үйл ажиллагаа явуулж буй Тээврийн хэрэгслийг зөөж шилжүүлэх болон дугуй түгжих үйлчилгээ үзүүлж буй аж ахуй эрхлэгчид нь иргэдийн эрх ашгийг зөрчиж байгаа эсэхийг тогтоох юм. Энэ дагуу ажлын хэсэг бичиг баримтуудыг судлах ажил явагдаж байгаа бөгөөд дүгнэлт гарсны дараа олон нийтэд дэлгэрэнгүй мэдээлэх болно.

Э.ЭНХ-ЭРДЭНЭ