Шатахуун түгээх станц дээрэмдсэн этгээдүүдийг баривчилжээ
Сонгинохайрхан дүүргийн нутаг дэвсгэрт шатахуун түгээх станцын ажилчдаас 4.8 сая төгрөг дээрэмдсэн хэрэг өчигдөр гарсан. Улмаар мод барин дээрэм хийсэн гэх 25-30 орчим насны гурван залууг эрэн сурвалжилж байсан билээ.
Дээрх гэмт хэргийг үйлдсэн Т, Т, О нарыг тус дүүргийн цагдаагийн нэгдүгээр хэлтсийн алба хаагчид 24 цагийн дотор шуурхай ажилласны дүнд өнөөдөр илрүүлжээ. Энэ гэмт хэргийг 30-32 насны залуус үйлдсэн нь тогтоогдож, тэдэнд Эрүүгийн хуулийн 147.2-д зааснаар эрүүгийн хэрэг үүсгэн шалгаж эхэлсэн байна. Гэмт этгээдүүд дээрэмдсэн мөнгөө бэлнээр хадгалж, хувааж хэрэглэхээр үгсэн тохиролцсон байжээ. Энэ хэргийг Сонгинохайрхан дүүргийн цагдаагийн 1-р хэлтэст шалгаж байна.
Б.БУРМАА
Сэтгэгдэл