Латин Америкийн дуучин Рики Мартиныг он солигдох мөчид авто машины осолд орж нас барсан талаарх мэдээлэл бүхий дүрс бичлэг энэ сарын 3-наас онлайн ертөнцөөр тарсан. Үүний дараа нэрт дуучин “Straits Times” сонинд “Дуу хөгжим, үдэшлэг, романтик мөчүүдээр дүүрэн маш сонирхолтой жил эхэлж байна” хэмээн ярьжээ.

“Youtube” сайтад тавигдсан Рики Мартины үхэлтэй холбоотой хуурамч дүрс бичлэгийг маш олон хүн үзсэн байна. Тодруулбал, тус бичлэг зөвхөн 20 цагийн дотор 175 мянган хандалт авчээ. Дашрамд дурдахад, энэ мэт алдартнуудыг “үхүүлдэг” хуурамч мэдээлэл өмнө ч гарч байсан аж. Өнгөрсөн онд дуучин Майли Сайрус, жүжигчин Морган Фримен нарыг нас барсан тухай худал мэдээ тарж байжээ.

Э.ЭНХ-ЭРДЭНЭ