Өнөөдөр 09.00 цагаас Засгийн газрын хэрэгжүүлэгч агентлаг, Худалдан авах ажиллагааны газраас 2015 онд хэрэгжүүлэх төсөл арга хэмжээ, байгууллагын үйл ажиллагааг олон нийтэд мэдээлэх зорилготой “Шилэн тендер-2015” нээлттэй өдөрлөг Мэдээлэл технологийн үндэсний паркийн 302 тоот танхимд эхэллээ.

Өдөрлөгийн үеэр Монгол Улсын Засгийн газраас төрийн худалдан авалтын хүрээнд явуулж буй бодлого шийдвэрийг сурталчлах, худалдан авах ажиллагааг олон нийтэд мэдээлэх, иргэд, аж ахуйн нэгж, төр болон төрийн бус байгууллагын төлөөлөлд цахим худалдан авах ажиллагааны нэгдсэн системийг танилцуулга, сургалт явагдана. Өдөрлөгийн талаар мэдээллийг 70111090, 70009990 тоот утсаар авах боломжтой юм.

М.АМАРЖАРГАЛ