МҮОНРТ-ийн ерөнхий захирал асан М.Наранбаатарт Баянгол дүүргийн цагдаагийн хэлтсээс эрүүгийн хэрэг үүсгэжээ. Түүнийг УИХ-ын дарга З.Энхболдыг гүтгэсэн үндэслэлээр шалгаж эхэлсэн байна.

М.Наранбаатар УИХ-ын даргыг Д.Энхтуяа, Ч.Даваабаяр зэрэг хүмүүсээр дамжуулан нэр төрд нь халдсан, ажлаас нь солихыг оролдсон гэх зэргээр гүтгэсэн хэмээн үзэж нэхэмжлэгч гомдол гаргажээ. М.Наранбаатарын хувьд УИХ-ын даргыг шүүхэд өгөөд буй юм байна.

МҮОНРТ-ийн Үндэсний зөвлөл хуралдаж, М.Наранбаатар албан тушаалаасаа сайн дураараа огцрох шийдвэр гаргаж, улмаар түүний оронд Ардчилсан намын Ерөнхий нарийн бичгийн дарга асан Ц.Оюундарийг томилсон билээ.

Э.ЭНХ-ЭРДЭНЭ