Өмнөд Солонгосын өдөр тутмын "Чунан ильбо" сонинд БНАСАУ-ын удирдагч Ким Чен Ун цөмийн зэвсэг ашиглан Өмнөд Солонгост халдан довтлох шинэ төлөвлөгөөг баталсан талаар бичсэнийг “ИТАР ТАСС” мэдээлжээ. Умард Солонгосын дүрвэгчид болон Засгийн газрын эх сурвалжийн мэдээлснээр, Умард Солонгосын удирдагч энэ төлөвлөгөөг одоогоос хоёр жилийн өмнө буюу 2012 оны зун баталсан байна.

Тус төлөвлөгөөний гол зорилго нь Өмнөд Солонгост халдан довтолж, АНУ-ыг холбоотондоо туслахаар ирэхээс нь өмнө долоо хоногийн дотор амжиж газар нутгийг нь бүрэн эзэлж, бүрэн хяналтдаа авах аж. Иймд Өмнөд Солонгосын Засгийн газар ийм халдлага болсон тохиолдолд хариу ажиллагаа явуулахад чиглэсэн стратегийн бодлогоо шинэчилж эхэлжээ.

Э.ЭНХ-ЭРДЭНЭ