Засгийн газрын үнэт цаасны анхдагч зах зээлийн арилжааг өмнөх оны 11 дүгээр сарын 04-ний өдрөөс эхлэн олон нийтэд нээлттэй зохион байгуулж, нийт 36.1 тэрбум төгрөгийн арилжаа хийжээ. Монголын Хөрөнгийн бирж нь Үнэт цаасны төлбөр тооцоо, төвлөрсөн хадгаламжийн төв ХХК-тай хамтран Милленнум Ай Ти систем дээр Засгийн газрын үнэт цаасны хоёрдогч зах зээлийн арилжааны туршилт явуулж дууссан байна.

Энэ оны нэгдүгээр сарын 19-ний өдөр буюу Монгол Улсад хөрөнгийн зах зээл үүсэн байгуулагдсаны 24 жилийн ойн өдөр Засгийн газрын үнэт цаасны хоёрдогч зах зээлийн арилжааг албан ёсоор нээхээр төлөвлөжээ. Энэхүү арилжаа нээгдсэнээр зах зээлийн хөрвөх чадвар болон хүртээмж нэмэгдэж, хөрөнгө оруулагчид Засгийн газрын үнэт цаасыг өдөр бүр худалдан авах, төлбөр төлөх хугацаанаас өмнө эргүүлэн худалдах боломж бүрдэх юм байна.

Т.БАТСҮРЭН