Өнгөрсөн баасан гаригт буюу өчигдөр Жэйси Чанд холбогдох хар тамхины хэргийг Бээжин хотын Дунчэн дүүргийн шүүх шүүн хэлэлцжээ. Эдүгээ 32 настай Жэйси Чаныг шүүхээс гэм буруутайд тооцож, зургаан сарын хугацаагаар хорьж, 2000 юаниар торгох шийдвэр гаргасан байна.

Холливудын нэрт жүжигчин Жэки Чаны хүү Жэйси Чан өнгөрсөн наймдугаар сард Тайваны кино жүжигчин найзынхаа хамт хар тамхи хэрэглэсэн хэргээр баривчлагдсан. Цагдаа нар Жэйси Чан болон түүний найз Кай Ко нарын цусанд шинжилгээ хийхэд хар тамхи хэрэглэсэн нь тогтоогджээ. Улмаар Жэйси Чаны Бээжин дэх гэрээс 99.2 грамм марихуан илрүүлсэн аж.

Э.ЭНХ-ЭРДЭНЭ