Өнгөрсөн сарын 27-ны өдөр Мексикт нэлээд томд тооцогдох Knights Templar бүлэглэлийн удирдагч Сервандо Гомезийг баривчилсан билээ. Энэ сарын эхээр Мексикийн холбооны тусгай хүчин Монтеррей хотын тансаг зэрэглэлийн орон сууцны хорооллоос хар тамхи нууцаар худалдан борлуулдагаараа зартай “Зетас” бүлэглэлийн лидер Омар Тревиног баривчилжээ.

Өнөөдрийг хүртэл Z-42 гэх нэрээр алдаршсан Омар нь 2013 оны долдугаар сард тухайн үед тус бүлэглэлийн лидер байсан ах Мигель Ангел Тревино (түүнийг Z-40 гэж хочилдог байв)-г баривчлагдсаны дараа “Зетас” бүлэглэлийн шинэ удирдагч болсон аж. Түүнийг баривчлахад туслаж, үнэн зөв мэдээлэл өгсөн хүнд АНУ-ын Дотоод хэргийн яам таван сая ам.доллар, Мексикийн Засгийн газар хоёр сая ам.долларын амлаад байжээ.

Э.ЭНХ-ЭРДЭНЭ