Немцовын амийг хөнөөсөн буу болохыг тогтоожээ
ОХУ-ын сөрөг хүчний удирдагчдын нэг Борис Немцовын амийг хөнөөхөд ашигласан хоёр гар бууг цагдаа нар олсон тухай “Ройтерс” агентлаг мэдээлжээ. Тэдгээрийг Москва хотын гүүрний ойролцоох голоос олсон байна. Гэхдээ хоёр бууг нэг газраас олоогүй хэмээн хэргийн газар ажиллаж буй мөрдөгч Сергей сэтгүүлчдэд мэдэгджээ.
Эхний гар бууг олж, шинжилгээнд өгөхөд Немцовын аминд хүрсэн зэвсэг болохыг тогтоосон байна. Хоёр дахь бууны шинжилгээний хариу хараахан гараагүй байна аж. Дээрх буунуудаас Немцовын аминд хүрсэн жинхэнэ хэрэгтний хурууны хээ олдож болзошгүй хэмээн Мөрдөх газраас мэдээлжээ.
Э.ЭНХ-ЭРДЭНЭ
Сэтгэгдэл