А.Амбасэлмаа: Долоон хүн хордлогын байдалтай эмчлүүлж байна
Өчигдөр нийслэлийн Баянгол дүүргийн 22-р хороонд оршин суудаг хоёр айлын 10 хүн хордлогын байдалтай ХӨСҮТ-д хүргэгдсэн байна. Харин одоо тэдний биеийн байдал хэвийн болж, эмчилгээгээ хийлгэж байгаа гэдгийг ХӨСҮТ-ийн ХӨТСА-ны дарга А.Амбасэлмаа бидэнд хэллээ. Түүнээс хордсон өвчтөнүүдийн талаар тодруулснаа хүргэж байна.
-Өндөгнөөс хордсон гэдэг нь тодорхой болсон уу?
-Шинжилгээнийх нь хариу гараагүй байна. Яг өндөгнөөс хордсон эсэхийг нь хэлэхэд хэцүү. Хордсон хүмүүсийн хэлж байгаагаар Баянгол дүүргийн 22-р хороонд орших хүнсний дэлгүүрээс өндөг авч, нэг хашаанд байдаг хоёр айл хоол хийж идсэн байгаа юм. Ингээд хоол идсэнээс таван цагийн дараанаас халуурч, гүйлгэсэн гэсэн оноштой ирсэн.
-Хэдэн хүн нь хэвтэн эмчлүүлж байгаа вэ?
-Тэр арван хүний 9 хүнийг нь шинжилгээнд оруулж, долоон хүн нь хэвтэж эмчлүүлж байна. Өвчтөнүүдийн биеийн байдал сайжирч байгаа.
-Шинжилгээний хариу хэзээ гарах вэ?
-Лобораторийн шинжилгээний хариу гараагүй. Хандалт судалгаа хийж байна. Мөн Баянгол дүүргийн мэргэжлийн хяналтын хэлтсийнхэн шалгалт хийж байгаа юм билээ. Шинжилгээний хариу маргааш өглөө гарах байх.
Б.БУРМАА
Сэтгэгдэл