Францын телевизэд лалын бүлэглэл кибер халдлага хийжээ
Өчигдөр Францын томоохон телевиз болох Tv5Monde болон бусад 11 телевизэд кибер халдлага болжээ. Гэнэтхэн телевизийн сувгууд удирдлагагүй болж, дүрсийг нь тасласан байна. Телевизүүд нэгэн зэрэг хакердуулсан учир фэйсбүүк хуудас ашиглан үзэгчдэд мэдээллээ хүргэжээ. Уг явдлын дараа дотоодын кибер аюулгүй байдлын газар болон, тагнуулын газар шалгаж эхэлсэн байна. Одоогоор албаныхны мэдээлж байгаагаар хэт даврагчдын лалын бүлэглэлийнхэн хакердсан хэмээн үзэж байгаа аж. Өмнө нь болсон Шарли Эбдогийн хэрэгтэй холбогдуулан ийм явдал болсон байж магадгүй талаар CNN мэдээлжээ.
Т.БАТСҮРЭН
Сэтгэгдэл