Яг одоо Шүүхийн ерөнхий зөвлөлийн байранд Иргэний хэргийн давж заалдах шатны 4 дүгээр шүүхийн Ерөнхий шүүгч, Иргэний хэргийн давж заалдах шатны 10 дугаар шүүхийн шүүгч, Дүүргийн иргэний хэргийн анхан шатны 1, 2, 3, 4 дүгээр шүүхийн шүүгчид нэр дэвшигчдийг сонгон шалгаруулах шалгалт болж байна.

Энэхүү шалгалтын явцыг Шүүхийн ерөнхий зөвлөл өөрийн сайтаар шууд дамжуулж байна. Өөрөөр хэлбэл шалгалтын үйл явцыг http://judcouncil.mn/live.html холбоосоор шууд үзэх боломжтой. Нэр дэвшигчдээс шүүгчээр ажиллах мэдлэг, чадварыг шалгах шалгалт буюу эссэ бичих, мэдээллийн технологийн хэрэглээний програм ашиглах чадварыг шалгахаас гадна эрх зүйн тохиолдол шийдвэрлэх шалгалт болон эрх зүйн онолын болон Үндсэн хуулийн эрх зүйн мэдлэгийг шалгах шалгалтыг авч байна.

Э.ЭГШИГЛЭН