Онгоцны ослоор үрэгдсэн хүн бүрийн тоогоор лаа асааж хүндэтгэл үзүүлжээ
Өнгөрсөн сард Францын Альпын нуруунд Германы иргэний агаарын тээврийн “Germanwings” компанийн 150 хүнтэй онгоц сүйрсэн. Энэхүү ослын улмаас хохирогчдын дурсгалыг хүндэтгэх ёслол өчигдөр (IV/17) Германы баруун нутгийн Кельн хотод болжээ. Энэхүү ёслолын ажиллагаанд 1400 орчим хүн оролцож, хохирогчдын дурсгалыг хүндэтгэсэн байна. Мөн Германы Ерөнхийлөгч Йоахим Гаук, Канцлер Ангела Меркель болон Франц, Испанийн удирдах албан тушаалтнууд оролцжээ. Амь эрсэдсэн хүн бүрийн тоогоор тахилын ширээн дээр 150 ширхэг лаа асаасан байна.
Э.ЭНХ-ЭРДЭНЭ
Сэтгэгдэл