Тайваний эргээр 6.6 магнитудын хүчтэй газар хөдөлжээ
Өчигдөр Тайваний далайн эргээр хүчтэй газар хөдлөлт болжээ. Голомтын төв нь Хуалианаас зүүн хойд зүгт 76 км зайд, 28.9 км-ийн гүнд байсан гэж АНУ Геологийн Судалгааны төвөөс мэдэгджээ. CNN агентлагийн мэдээлснээр газрын чичиргээ арал даяар мэдрэгдэж байсан аж. Одоогийн байдлаар газар хөдлөлтийн улмаас хэдий хэр хэмжээний хохирол учирсан талаар албаныхан мэдээлээгүй байна. Орон нутгийнхны хэлж буйгаар, Тайпэйд 84 настай өвгөн газар хөдлөлтийн улмаас үүссэн галд амиа алдсан гэжээ. Мөн газар хөдлөлт нь усны хоолойнуудыг эвдэлж, зарим дүүргүүдийн зам усанд автаж, бөглөрөл үүсээд байгаа аж.
Т.БАТСҮРЭН
Сэтгэгдэл