Өнгөрсөн лхагва гарагт Японы ерөнхий сайдын албан өргөөний дээвэр дээр үл мэдэгдэх нисдэг төхөөрөг байсан нь багагүй шуугиан тарьсан билээ. The Guardian-д мэдээлснээр, Японы хууль сахиулагчид энэхүү нисдэг төхөөргийг тус улсын Yasuo Yamamoto хэмээх 40 настай, ажилгүй эр хийж, дотор нь Фукусимогийн атомын цахилгаан станцын цацраг идэвхит бодисын агуулгатай элс хийж илгээсэн байсныг тогтоон саатуулан баривчилсан байна. Тэрээр “Фукусимо атомын цахилгаан станц нь гамшиг тарьж байна гэдгийг эрх баригчдад ойлгуулахаар ийм үйлдэл хийсэн” хэмээн хэлжээ.

Э.ЭНХ-ЭРДЭНЭ