Канадын хоккейчид 25 дахь удаагаа аваргалав
79 дэх удаагийн хоккейн Дэлхийн аварга шалгаруулах тэмцээн Чех улсад болж өнгөрсөн шөнө аваргаа тодруулжээ. Эхний тоглолт хүрэл медалийн төлөөх тоглолт байсан бөгөөд АНУ-ын баг Чехийг нутагт нь 3-0-ээр хожиж хүрэл медалийн эзэн болсон байна.
Алтан медалийн төлөө ОХУ хоккейчид энэ ДАШТ ганц ч хожигдол хүлээгүй байгаа Канадын багтай тоглож, 6-1 харьцаагаар Канадын шигшээ баг 25 дахь удаагаа ДАШТ-ий цомыг хүртсэн байна. Канад улс хамгийн сүүлд 2007 онд Дэлхийн аварга болж байжээ. ОХУ-ын хувьд өнгөрсөн жил Дэлхийн аварга болж байсан бөгөөд нийт 27 /СССР 22, ОХУ 5/ удаа аваргын цом хүртжээ.
Б.ЦЭЛМЭГ
Сэтгэгдэл