Ес дэх жилдээ зохион байгуулагдаж буй ICT Expo үзэсгэлэн “Мишээл экспо” төвд үргэлжилж байна. Энэ жилийн үзэсгэлэнд иргэд сэтгэл хангалуун байгаа бөгөөд ШУТИС-ийн МХТС-ийн багш, оюутнуудын хамтран бүтээсэн хүнд машин, механизм удирдах систем, байршил тогтоогч аппликейшн зэрэг үзэгчдийн анхаарлыг ихэд татаж буй юм.

Тэдний бүтээсэн байршил тогтоох аппликейшн нь интернэттэй орчинд ажиллах бөгөөд эцэг эхчүүд хүүхдээ хаана байгаа, хэдээс хэдэн цагийн хооронд хаашаа явсан зэргийг мэдэх бүрэн боломж олгох юм байна.

Дээрээс нь та хориотой бүс тогтоож болох аж. Ингэснээр та компьютер тоглоомын газар, эсвэл явуулахыг хүсэхгүй байгаа газраа бүсчлэн тогтоож, хэрвээ хүүхэд тэр бүсэд орвол эцэг эхэд нь даруй мэдээлэл дамжуулагдах юм байна.

Э.ЭНХ-ЭРДЭНЭ