Э.Бэхбаяр Дэлхийн чансааны хоёрдугаарт бичигдлээ
Өчигдөр олон улсын бөхийн төрлүүдийн нэгдсэн холбоо /UWW/-оос чөлөөт бөхийн шинэчилсэн чансааг зарласан байна. Жин бүрийн эхний 20 бөхөөр Дэлхийн чансааг гаргадаг. Тэгвэл энэ жил манай найман бөх тэргүүлэгчдийн дунд багтжээ.
Эрэгтэйчүүдийн 57 кг-ын жинд олон улсын хэмжээний мастер, Ази тивийн аварга Э.Бэхбаяр чансааны хоёрдугаарт бичигджээ. Мөн жингийн 11 дүгээрт Д.Цогтбаатар эрэмбэлэгдсэн юм. Харин 61 кг-д гавьяат тамирчин Э.Ням-Очир наймдугаарт, 61кг-д Б.Номин 19 дүгээрт, 65кг-ын жинд гавьяат тамирчин Г.Мандахнаран зургаадугаарт жагсчээ. 86 кг-д О.Үйтүмэн зургаадугаарт, 97 кг-ын жинд Д.Хүдэрбулга 18 дугаарт, 125 кг-ын жинд Ж.Чулуунбат 12 дугаарт бичигдсэн байна.
Б.ГЭРЭЛ
Сэтгэгдэл