Монголын “Малчин эмэгтэйчүүдийн анхдугаар чуулга уулзалт” өнөөдөр “Улаанбаатар палас”-ын их танхимд болох гэж байна. Чуулга уулзалтад аймаг бүрээс ажил үйлс, амжилт бүтээлээрээ шалгарсан 3000 гаруй малчин эмэгтэйчүүд оролцох юм. Малчдыг дэмжих чадавхжуулах маш олон арга хэмжээг төрөөс явуулсаар ирсэн. Үүний нэг нь малчин эмэгтэйчүүдийг нэгтгэж тэдний үзэл бодол хүсэл сонирхлыг нэгтгэх зорилготой малчин эмэгтэйчүүдийн холбоо юм.

Малчин эмэгтэйчүүд гэр орон үр хүүхдээ өсгөх, малаа маллаж эцсийн бүтээгдэхүүн үйлдвэрлэх гээд олон ажлыг амжуулж байдаг. Малчин эмэгтэйчүүдийн холбоо нь гишүүдээ сургалтанд хамруулах тэднийхээ хүсэл зорилгыг шат шатны удирдлагуудад уламжлан шийдвэрлэх зэрэг маш олон ажлыг хийхээр төлөвлөн ажиллаж байгаа аж.

Б.ЦЭЛМЭГ