Эр зориг шаарддаг онцгой байдлын албанд орж ажиллахын тулд мэргэжлийн сургуулийг нь дүүргэж, мөрдэс зүүж тангараг өргөхөөр олон залуус суралцдаг билээ. Тэдгээр залуусын төлөөлөл болох 30 төгсөгч Хууль сахиулахын их сургуулийн Онцгой байдлын сургуулийг “Онцгой байдлын ажил-Эрх зүй” мэргэжлээр төгсөж, ромбо дипломоо гардан авлаа.

Л.Булганхангай, Б.Билгүүнбаатар, Р. Батсайхан нарын эдгээр төгсөгчдөд ОБЕГ-ын 2015 оны 06 дугаар сарын 11-ний өдрийн тушаалаар дэслэгч цол олгов. Уг арга хэмжээнд ОБЕГ-ын дэд дарга Г.Ариунбуян, захиргааны удирдлагын газрын дарга Л.Болдбаатар нар оролцож албаны бие бүрэлдэхүүнд багтаж буй төгсөгч залуустаа баяр хүргэж амжилт хүсэв.

Э.ЭНХ-ЭРДЭНЭ