Төөрсөн иргэнийг эсэн мэнд олжээ
Баянзүрх дүүргийн 20 дугаар хороо, Гачуурт өнгөрөөд Минж үржүүлгийн тохойд Туул голын эрэг дагуух модонд, голд хүн алга болсон гэсэн дуудлагыг үүрийн 05:11 цагт өгсөн байна. Дуудлагын дагуу нийслэлийн Аврах ангийн бүлэг эрэн хайх ажиллагааг шуурхай зохион байгуулж 29 настай, эрэгтэй Ж-г осголтын байдалтай эсэн мэнд олж эмнэлгийн анхан шатны тусламж үзүүлж амь насыг нь авран хамгаалсан байна. Улмаар Баянзүрх дүүргийн цагдаагийн гуравдугаар хэлтсийн бүрэлдэхүүнд хүлээлгэн өгчээ.
Б.ЦЭЛМЭГ
Сэтгэгдэл