Улсын баяр наадмаар тав хоног амрах хуулийн заалттай. Харин наадмын дараагийн өдрүүд буюу долоодугаар сарын 16, 17-ны пүрэв, баасан гарагийн ажлын өдрүүдийг амралтын өдрүүдэд шилжүүлж наадмаар ес хоног амарч магадгүй тухай яриа гарч байсан. Гэвч өчигдрийн Засгийн газрын хуралдаанаас долоодугаар сарын 16, 17-ны пүрэв, баасан гарагийн ажлын өдрүүдийг амралтын өдрүүдэд шилжүүлэхгүй байх шийдвэрийг гаргажээ.

Тиймээс долоодугаар сарын 11-15-ны баярын өдрүүдэд бүх нийтээр амраад 16, 17-ны өдрүүдэд төрийн байгууллагын ажил үйлчилгээ хэвийн журмаар үргэлжлэх юм байна.

Ж.МАРАЛ