Нийслэлийн захирагчийн ажлын алба болон бүх дүүргийн Хүн, худалдаа, үйлчилгээний хэлтсийнхний шийдвэрээр энэ жилийн наадмаар хүнсний нийлэг уутнаас татгалзаж цаас уут хэрэглэх шийдвэр гарсан. Энэ хүрээнд Төв цэнгэлдэх хүрээлэн болон Хүй долоон худагт хуушуурын худалдаа эрхлэх иргэд, аж ахуйн нэгжүүд зориулалтын цаасан уут хэрэглэх журмыг мөрдөж ажиллана.

Ингэхдээ хараагүй иргэдийн хөдөлмөр эрхлэлтийг дэмжих зорилгоор энэ цаасан уутыг зөвхөн Хараагүй хүмүүсийн хөдөлмөр сургалт үйлдвэрийн төвөөр үйлдвэрлүүлэхээр болсон юм байна.

Хүнсний нийлэг уут нь байгаль орчин болоод хүний эрүүл мэндэд хортой болох нь судалгаагаар тогтоогдсон. Тиймээс нийслэлийн болоод орон нутгийн иргэдийн эрүүл мэндийг хамгаалах үүднээс ялангуяа хүнсний сав баглаа боодолд хэрэглэхгүй байхыг анхааруулж байна.

Б.ГЭРЭЛ