Тулгар төр байгуулагдсаны 2224, Их Монгол Улсын 809, Ардын хувьсгалын 94 жилийн ойн баяр наадмын шагайн харваа өнөөдөр 08.00 цагт Шагайт асарт эхэлж, одоо үргэлжилж байна. Үндэсний их баяр наадмын шагайн харваанд 50 багийн 452 харваач оролцож байгаа юм. Тодруулбал, Өмнөговь, Дорноговь, Дундговь, Төв, Сэлэнгэ, Баянхонгор, Архангай, Говьсүмбэр, Хэнтий, Өвөрхангай, Дархан, Орхон, Улаанбаатар хотын багууд оролцож байна. Энэ жилийн наадамд, Монгол Улсын Үлэмж дархан мэргэн 42, Дархан мэргэн 24, Гарамгай мэргэн 33, Мэргэн 28, Дэд мэргэн 47, Харьшгүй мэргэн 12, Аймгийн гоц мэргэн 78 оролцон цэц мэргэнээ уралдуулж байна.

Б.ГЭРЭЛ