Ус гүн цэвэршүүлэх анхны үйлдвэрийн бүтээн байгуулалтад зориулан Голомт банк “Ногоон баталгаа” гаргалаа
Монгол Улсын Засгийн газар болон АНУ-ын Мянганы сорилтын корпорацтай байгуулсан Компакт гэрээний хүрээнд “Ус гүн цэвэршүүлэх үйлдвэр байгуулах, СКАДА систем суурилуулах” ажлын ерөнхий гүйцэтгэгчээр БНТУ-ын МАPA group шалгарч, ажил гүйцэтгэх гэрээ байгуулсан. Тэгвэл ерөнхий гүйцэтгэгчийн нэрийн өмнөөс барилгын бүтээн байгуулалтын гүйцэтгэлийн ажилд зориулан Голомт банк БНТУ-ын T.C. Ziraat Bankasi A.S. банктай хамтран “Ногоон баталгаа” гаргалаа.
Ногоон баталгаа гэдэг нь олон улсын болон дотоодын банкнууд хамтран байгаль орчинд ээлтэй, хүлэмжийн хийн ялгарлыг бууруулах онцгой ач холбогдолтой төслүүдийг дэмжиж, хамгийн бага өртгөөр гаргадаг банкны нэг төрлийн баталгаа юм. Голомт банк 2021 онд нийт 85 тэрбум төгрөгийн ногоон баталгаа гаргаад байна.
Улаанбаатар хотын хүн амын тоо эрс нэмэгдсэн боловч усны хангамж хэвээр байгаа нь цэвэр усны хомсдол үүсэх эрсдэлтэй нөхцөлийг бүрдүүлж байна. Мянганы сорилтын Компакт гэрээ нь энэхүү байгалийн хязгаарлагдмал нөөцийг хадгалахад шаардлагатай дэд бүтцийг бий болгож, ус хангамжийн үйлдвэрлэлийн чадамжийг нэмэгдүүлж, бохирдол усыг дахин боловсруулах цогц хөтөлбөрийг ирэх 5 жилийн хугацаанд хэрэгжүүлэх юм. Ус гүн цэвэршүүлэх үйлдвэр ашиглалтад орсноор Биокомбинат, Шувуун фабрикт шинээр барьж байгуулах газрын дорх усны хоёр шинэ эх үүсвэрээс хоногт 140 мянга, жилд 50 сая хүртэл метр куб усыг авч цэвэршүүлэн, нийслэлийн ус хангамжийн төвлөрсөн сүлжээнд нийлүүлнэ. Ингэснээр усны салбарын урт хугацаатай, тогтвортой бодлогыг дэмжиж, Улаанбаатар хотын усны хангамжийн нийлүүлэлтийг 80 гаруй хувиар нэмэгдүүлнэ.
Голомт банк Тогтвортой хөгжлийн бодлогын хүрээнд нийгэм, байгаль орчны асуудлуудад онцгой анхаарал хандуулдаг бөгөөд Монгол Улсад хэрэгжиж буй ногоон төслүүдийг дэмжин ажиллахаас гадна Банкны өдөр тутмын үйл ажиллагаандаа ногоон үзэл баримтлалыг мөрдөж байна.
Төслийн тухай дэлгэрэнгүй мэдээллийг доорх линк дээр дарж хүлээн аваарай.
СОНГУУЛИЙН БОСГОН ДЭЭР АМЛАЛТАА ЭРГЭН САНАДАГ “СОЦИАЛИСТ САНДРАЛ”
Л.ХАЛТАР САЙДЫН ХАЛТУУРДАЛТ
ЭРХ БАРИГЧ НАМЫН АЙМАГ БҮРТ ҮЙЛДВЭР БАРИХ АМЛАЛТ БИЕЛСЭНГҮЙ
УИХ-ын гишүүн асан Н.Ганбямбын хүү Г.Дөлгөөн 44 тэрбум төгрөгийг арилжааны банкинд дур мэдэн байршуулсан уу
МӨРИЙН ХӨТӨЛБӨР: ЭДИЙН ЗАСГИЙН ӨРГӨЖҮҮЛЭН, ӨРНӨӨС ГАРГАЖ, БАЯЛГИЙГ ЭЗЭНЖҮҮЛЭХ МАН-ЫН МӨРИЙН ХӨТӨЛБӨР БИЕЛСЭНГҮЙ
МАН-ын мөрийн хөтөлбөрийн заалтуудаас
Танилц: Аймгуудын өрсөлдөх чадвар
Сонгуулийн өмнө хөрөнгө мөнгө зарсан том төслүүдийг эхлүүлэхгүй байхыг уриалж байна
Өмнөговь аймгийн Даланзадгад суманд 14 га талбайтай цэцэрлэгт хүрээлэн байгуулна
Үхрийн шинэ мах килограмм нь 20-23 мянган төгрөгийн үнэтэй байна