Дэлгүүр, худалдааны төвүүд “Зарагдсан барааг буцаахгүй, сонголтоо зөв хийнэ үү” гэсэн бичгийг наасан байдаг. Гэвч энэ нь Хэрэглэгчийн эрхийг хамгаалах тухай хуулийг зөрчсөн үйлдэл юм. Тиймээс Шударга өрсөлдөөн, хэрэглэгчийн төлөө газар - аас холбогдох хуулийн хүрээнд ажиллаж, зарагдсан барааг буцаах боломжтой болгууллаа.

Хэрвээ зарагдсан барааг буцаахгүй гэвэл Шударга өрсөлдөөн, хэрэглэгчийн төлөө газар - т болон хэрэглэгчийн санал, хүсэлт хүлээн авах 115 утсанд мэдэгдэх боломжтой.

Зарагдсан барааг буцааж аваагүй худалдагчид 5 сая төгрөгийн торгууль ногдуулах хуультай

Тодруулбал:

Хэрэглэгчийн эрхийг хамгаалах тухай хуулийн 12 дугаар зүйлийн 12.3, 12.5 дахь заалтыг үндэслэн Зөрчлийн тухай хуулийн 10 дугаар зүйлийн 10. 2 дахь хэсгийг үндэслэн:

1. Хэрэглэгчийн эрхийг хамгаалах тухай хууль зөрчиж:

1.1 үйлдвэрлэгч, худалдагч, гүйцэтгэгч барааны талаар үнэн зөв, бодит мэдээллээр хэрэглэгчийг хангах;

1.2 бараа, ажил, үйлчилгээний доголдлыг арилгах хугацаа тогтоох;

1.3 бараанд засвар хийх, техникийн үйлчилгээ үзүүлэх, чанарын доголдлыг арилгах үүргээ биелүүлээгүй бол хүнийг таван зуун нэгжтэй тэнцэх хэмжээний төгрөгөөр, хуулийн этгээдийг таван мянган нэгжтэй тэнцэх хэмжээний төгрөгөөр торгоно.

2. Үйлдвэрлэгч, худалдагч, гүйцэтгэгчийн үүргээ хэрэгжүүлээгүй бол хүнийг таван зуун нэгжтэй тэнцэх хэмжээний төгрөгөөр, хуулийн этгээдийг таван мянган нэгжтэй тэнцэх хэмжээний төгрөгөөр торгоно.