“Эдийн засгийн үзүүлэлт төдий хувиар өслөө, уул уурхайн экспорт нэмэгдлээ” гэх мэдээлэл өдөр бүр л хэвлэл мэдээллийн хэрэгслээр хөвөрч байна. Гэвч бодит байдал өөр байна. Манай улсын эдийн засаг 2015 оны зэрэгцүүлэх үнээр 2020 оны урьдчилсан гүйцэтгэлээр 26.7 их наяд төгрөгт хүрч, өмнөх оноос 4.5 хувиар буурсан. ДНБ-ий үйлдвэрлэлийн арга талаас уг бууралтад уул уурхай, олборлолтын салбар болон үйлчилгээний салбар голлон нөлөөлсөн.

Харин эцсийн ашиглалт талаас ДНБ-ий бууралтад хөрөнгийн нийт хуримтлал голлон нөлөөлсөн. Үйлдвэрлэлийн аргаар тооцсон ДНБ, оны үнээр 2023 оны эхний улиралд 13.6 их наяд төгрөгт ДНБ-ий салбарын бүтцийг өмнөх оныхтой харьцуулбал, уул уурхай, олборлолтын салбарынх 11.6 нэгж хувиар нэмэгдэж, хөдөө аж ахуйн салбарынх 0.9 нэгж хувиар, бүтээгдэхүүний цэвэр татвар 3.1 нэгж хувиар, аж үйлдвэр, барилгынх 1.6 нэгж хувиар, үйлчилгээний салбарынх 6.1 нэгж хувиар тус тус буурсан байна.

Өөрөөр хэлбэл статистикийн тоо баримт худлаа гардаг болжээ. 2015 онд бодит өсөлттэй байсан ДНБ цар тахал, эдийн засгийн хямралын нөлөөгөөр өсөлт нь буурсаар байгааг мэдээлэхгүй байна. Мөн улс орны эдийн засгийн голлох хөшүүрэг болдог дотоодын үйлдвэрлэл байхгүй зөвхөн уул уурхайн бүтээгдэхүүн, түүхий эдийн экспорт худалдаанаас бүрэн хамааралтай эдийн засгийг эрүүл тооцооллоор тооцох боломжгүй юм.

Д.ЭНХБАТ