Хотын дарга Х.Нямбаатар нэгэнтээ С. Зориг агсны хөшөөг худалдах гэж байна…Би Зоригтойгоор үлдэнэ…” гэж хуумгайрав. Удахгүй төрсөн өдөр нь тохиох Төр нийгмийн нэр зүтгэлтэн, Ардчиллын эцэг Санжаасүрэнгийн Зориг Монголын улс төрд үгүйлэгдсэн хэвээр. Нөхөд нь ч ноход нь ч түүнээс эмээдэг дэндүү зарчимч, ухаалаг, боловсролтой, шударга нэгэн байлаа. Тэр жирийн аав ээжийн хайртай хүү байсан хэдий ч зовлон үзсэн эх орныхоо нийгмийн харанхуйг цочоон сэрээсэн гэрэлт бамбар байв.

Эрх баригчид хүний эрхийн уландаа гишгэж ардчиллыг алгасаж авлигалыг өөхшүүлж дарангуйлалд дасгах гэж оролдож буйгаа тас нуух оролдлогоо хөөрхий тэр намрын харанхуй шөнө гэртээ хутгаар сийчүүлж алуурчдын гарт амиа алдсан Зоригийн хөшөөгөөр хүртэл улс төр хийж ардчилал хайртай дүр эсгэх. Инээдэмтэй хэр нь гашуунаар эмгэнэлтэй.

МоАХ болон Зориг агсны зорьж босгосон ардчилал, хүний эрх, эрх чөлөө, тусгаар тогтнол хаа байна? Суурь нь хэврэгшиж, оосор нь үжирсэн хэврэг гандмал, авлигад идэгдэж ард түмний ядуу нуруун дээр зоолсон авлигачдын зөөлөн уналга болох биш үү? Ардчиллын эцэг Зоригийн хөшөөг арай зөрчихгүй байлгүй дээ. Монголын ард түмэн…

Энэ талаар ЕТГ-ын дарга асан Ө.Шижир ийнхүү бичжээ. “Эхлээд хүзүүвч буюу Сүхбаатарын талбайн зүүн талд СТӨ-ний хажууд байрлах манай намын байр зарагдсан, одоо талбайн урд талын С.Зориг агсны хөшөөтэй байр Да.Ганболд тэргүүтэй хэсэг бүлэг хуяа нар зарчиж. Гэхдээ угаас намын байр байгаагүй ч түүхэн дурсгал гэж үзээд авч үлдэх ёстой байсан юм. Олон мянган ардчиллын анхдагчид, партизануудын голомт болсон МоАХ өөрийн өмчлөлийн байрныхаа өмнө анхны зохицуулагч С.Зориг агсны хөшөөг тавья. Хөшөөг нь арай ч зарчхаагүй байлгүй дээ…”

Д.ЭНХБАТ