Машин бүтээж унадаг болсон цагаас хойш амьд хүмүүсийн халуун зүрх хүйтэн төмөрт хурдтай мөргүүлэн зүрх нь зогсдог тохиолдол хэзээ ч буурч байгаагүй ч хүүхэд нялхас ийм золгүйгээр хайран амьдралаа эцэслэх дэндүү харамсалтай. 2023 онд зам тээврийн осолд 342 хүүхэд өртөж, 26 хүүхэд нас барсан гэх аймшигтай тоо гарчээ. Замын хөдөлгөөний аюулгүй байдлын дүрэм журам мөрдөгдөхгүйн байгаагийн тод илрэл үүнээс өөрөөр яаж илэрхийлэгдэх вэ.

Эцэг эхчүүд хүүхдүүдээ хичээл сургуульд нь явуулахдаа зам дээр машинд дайруулаад эрсдэнэ чинээ даанч санахгүй. Тогтоосон дүрэм журам, стандартыг баримталдаггүй жолооч нэртэй алуурчдад хүлээлгэх хариуцлага улам чангарах цаг болжээ.

Замын стандарт гэдэг зүгээр ч нэг чамирхал биш. Хүний амь настай холбоотой нэн чухал асуудал. Гэтэл яагаад хаа хаанаа мөрдөхгүй байна вэ? Асуудлын гол шалтгаан юу вэ? Осол гэмтлийг хэрхэн бууруулах вэ? Салбарынхан бодлогын ямар өөрчлөлт шинэчлэл, сайжруулалт авч ирсэн бэ? Үхэгсдээ нарийн тоолоход бус үүдэн гарах эрсдэлд урьдчилсан арга хэмжээг хэзээ авдаг болох вэ?

Д.ЭНХБАТ