UBS телевизээс санаачилсан "Асах гэрэл" шоу таван сар үргэлжилж өчигдөр шилдгээ тодрууллаа. Монголын гэрэл зургийн нэгдсэн холбоо /МГЗНХ/-той хамтран зохион байгуулсан анхны гэрэл зургийн ТВ шоунд нийт 120 гэрэл зурагчин оролцсоноос шилдэг 16 нь тунаж үлдсэн байна. Тэдгээр оролцогчид 10 даалгавар гүйцэтгэн хасагдах журмаар өрсөлдсөөр дөрвөн гэрэл зурагчин шилдгийн төлөө өрсдөлдсөн юм. Энэ дөрвөн гэрэл зурагчин "Мэргэжил бүхэн сайхан", "Байгаль", "Хөрөг", "Бүтээгдэхүүн", "Фото сурвалжлага", "Буухиа", "Асах гэрэл", "Агшин" зэрэг сэдвээр даалгавраа гүйцэтгэн мэргэжлийн шүүгчдээр шүүлгэжээ. Ийнхүү тунаж үлдсэн Б.Батгэрэл, Б.Ирээдүй, М.Мишээл, С.Хаш-Эрдэнэ нараас СУИС-ийн РТДС-ийн зураглаачийн хоёрдугаар дамжааны оюутан Булгантамирын Ирээдүй ялагч боллоо. Дээрх 16 гэрэл зурагчин МГЗНХ-ны гишүүн болов. 2019 онд энэхүү шоуны хоёр дахь төсөл үргэлжилнэ хэмээн зохион байгуулагчдын зүгээс мэдээллээ.