Жүдо бөхийн “Их дуулга” тэмцээн Францын Парис хотноо болж өнгөрлөө. Тэмцээнд Казахстан Улсын нэрийн өмнөөс оролцож байгаа Г.Отгонцэцэг хүрэл медаль хүртлээ. Тэрбээр хөнгөн жин буюу 48 кг-ийн медалийн төлөөх шийдвэрлэх барилдаанд Г.Наранцэцэгийг ялж шагналын тавцанд зогсчээ. Харин эрэгтэйчүүдийн 73кг-ийн жинд барилдсан Залуучуудын ДАШТ-ий мөнгөн медальт ОУХМ Ц.Цогтбаатар мөнгөн медаль хүртсэн байна. Мөн ДАШТ-ийн мөнгөн медальт МУГТ Дашдаваагийн Амартүвшин 2015 оны Парисын их дуулга тэмцээнээс хүрэл медаль хүртэж байсан бөгөөд 4 жилийн дараа дахин хүрэл медалийн эзэн боллоо.