Хувьсал продакшны өргөн дэлгэцийн зургаа дахь бүтээл “Тэнгэрээс буусан од” киноны зохиол нь “Миний нууц” киноны зураг авалт хийгдэж байх явцад бичигдэж эхэлсэн байжээ. Ингэж л цаг хугацаатай өрсөлдөн, хувьсан өөрчлөгдөхийн төлөөх чимээгүй тэмцэл нь бүтээлээс бүтээлд үргэлжилж байдаг аж.

Зураг: Г.Бямбасүрэн

Кино зохиолыг Хувьсал продакшны жүжигчин Г.Бямбасүрэн нэг жил гаруй хугацаанд бичиж, киноны бэлтгэл ажил зургаан сар үргэлжилсэний эцэст энэхүү киноны зураг авалт эхэлж хоёр сарын туршид олон мянган километр замыг туулсан кино багийн маш их хөдөлмөрийн дүнд амжилттай хийгдэж дуусчээ.

Зураг авалтыг Г.Гүенбаатар зураглаачтай Red Point media студийн баг хйиж гүйцэтгэсэн байна.

Зураг авалтын ажлын хэсэг үндсэн 50 хүний бүрэлдэхүүнтэй ажиллаж, нийт 200 гаруй уран бүтээлч тус кинонд оролцсон байна.

Кино зураг авалтын үндсэн үйл ажиллагааны дараах төгсгөлийн үе шат болох өнгө, дүрс, дуу шүүлтийн гүйцэтгэлийг: Дууны найруулгын “Авиа” студи, өнгөний мастер Б.Ариунболд, компьютер графикийг Steve E. Morel зэрэг залуус гүйцэтгэн, амжилттай ажиллаж байна.