Сэлэнгэ аймгийн Мандал сумын Тарни багийн “Оргонтын нуруу” гэдэг газар /сумын төвөөс зүүн хойд зүгт 40 км/ өчигдөр /2019.02.19/ өглөө 07:00 цагт 3.6 магнитудын хүчтэй газар хөдлөлт болжээ. Энэ тухай мэдээллийг мөн өдрийн 08:00 цагт Одон орон, геофизикийн хүрээлэнгээс Онцгой байдлын ерөнхий газарт цахим шуудангаар ирүүлсэн байна.

Тус аймгийн Онцгой байдлын газраар дамжуулан тус сумын Засаг дарга Н.Лхагвадоржоос тодруулахад тухайн газар гурван өрх айл нутагладаг боловч иргэдэд чичирхийлэл мэдрэгдээгүй тухай мэдээлжээ.