Сар шинийн өмнөхөн Увс аймгийн Баруунтүрүүн дэх цэргийн ангид алба хааж байсан цэрэг ОХУ-ын хил давж амиа алдсан харамсалтай хэрэг гарсан. Талийгаачийг хил давж гараад өөрийгөө буудаж амиа егүүтгэсэн гэсэн урьдчилсан дүгнэлт гараад буй юм.

Ар гэрийнхэн нь хэзээ ч амиа хорлох хүүхэд биш, цэргийн ангид нь дарамт шахалт байсан байх. Түүнийг тэсвэрлэхгүй зугтаасан байх хэмээн мэдэгдээд байгаа билээ.

Эл хэргийг Тагнуул, цагдаагийн газар хамтран шалгаж байгаа бөгөөд Тувагийн нутаг дэвсгэрт болсон болохоор тус улсаас ч шалгаж эхэлсэн талаар албаны эх сурвалж мэдээлэл өгсөн байна.