Зэвсэгт хүчний 98 жилийд зориулсан улс аймгийн алдар цолтой 256 бөхийн барилдаан Монгол бөхийн өргөөнд болж өнгөрлөө. Тус барилдаанд Завхан аймгийн Их-Уул сумын харьяат, “Алдар” спорт хорооны тамирчин, Монгол улсын гарьд Б.Гончигдамба найм даван түрүүж, Хэнтий аймгийн Өмнөдэлгэр сумын харъяат ЦЕГ-ын "Хүч" спорт хорооны тамирчин, Монгол улсын арслан Э.Оюунболд долоо даван үзүүрлэв.

Харин шөвгийн дөрөвт Булган аймгийн Сайхан сумын харъяат "Булганхангай" бөхийн дэвжээ, "Женко" клубын бөх, Монгол улсын заан Н.Түвшинбаяр, Говьсүмбэр аймгийн Сүмбэр сумын харьяат, "Аварга" дээд сургуулийн бөх аймгийн арслан Э.Мөнхбаатар нар туналаа.