Өнгөрсөн онд улсын хэмжээнд нийт 37,542 удаагийн газар хөдлөлт бүртгэгдсэнээс таван удаа 5 магнитудын, 1,354 нь 3-4 магнитудын хүчтэй байсан талаар Шадар сайд Ө.Энхтүвшин мэдээлжээ.

Тэрбээр өчигдөр газар хөдлөлтийг биеэр мэдрүүлэх төхөөрөмж бүхий газар хөдлөлтийн тусгай тоноглол бүхий танхимын нээлтийн үеэр энэхүү мэдээллийг өгсөн байна.

Шадар сайд хэлсэн үгэндээ “Улаанбаатар хотын ойр орчимд байрлах хэд хэдэн идэвхтэй хагарлуудын байгаа бөгөөд эдгээр хагарлуудын идэвхжил нь буурахгүй байгааг ажиглалт, судалгаагаар тогтоосон.

Газар хөдлөлтийн эрсдэлийг бууруулах чадавхаа нэмэгдүүлж, бэлтгэл бэлэн байдлаа хангахыг мэргэжлийн байгууллагаас Төр засаг, ард иргэдэд анхааруулга өгч байна” гэжээ.