Дархан-Уул аймгийн Засаг даргын “Хууль тогтоомжийн хэрэгжилтийг хангуулах тухай 1-04/03 албан даалгавар, Захирагчийн ажлын албаны дарга бөгөөд хотын ерөнхий менежерийн 2019 оны 04 сарын 17-ны 03/68 дугаартай албан бичгийг хэрэгжүүлэх ажлын хүрээнд бүх нийтийн цэвэрлэгээ ажилд албан байгууллага, аж ахуйн нэгж, СӨХ, иргэд гаднах зам талбай, голын эрэг, хотын гадна тойргийн үерийн далан суваг, эзэнгүй талбайн хур хогийг цэвэрлэлээ. Хог ачих ажилд аймгийн ЗДТГ-ын Цэргийн штаб дэмжлэг үзүүлж, 30 оюутан цэргийг оролцууллаа. Мөн “Дархан Элит Хөгжил" ХХК нийгмийн хариуцлагын хүрээнд оюутнуудыг Дархан сумын хоёр, гуравдугаар баг, Ширээ нурууны нутаг дэвсгэрт автобусаар зөөвөрлөж хамтран ажиллалаа. Өнөө жилийн бүх нийтийн их хотын цэвэрлэгээнд батлагдсан хуваарийн дагуу нийтийн эзэмшлийн 14 байршилд 530 аж ахуйн нэгж, байгууллагын 5616 ажилтан, албан хаагчид оролцож нийт 721060м2 талбайг цэвэрлэсэн байна. Нийт 896м3 хог хаягдал цуглуулж төвлөрсөн хогийн цэгт буулган ажилласан байна.