Цагдаагийн газрын түүхт 80 жилийн ойг угтан аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Гэр бүл, хүүхэд залуучуудын хөгжлийн газар, Боловсрол, соёл урлагийн газартай хамтран зохион байгуулж байгаа “Өсвөрийн сэргийлэгч-2019” дэвжээ тэмцээн Хүүхдийн ордонд үргэлжилж байна.

Тэмцээнд 8 багийн 96 өсвөрийн сэргийлэгч бүлгэмийн сурагчид оролцож,мэндчилгээ, гэрийн даалгавар, багийн даалгавар, багийн гишүүдийн болон ахлагч нарын дунд хууль эрх зүйн асуулт хариулт, илтгэл, урлагийн тоглолт гэсэн 6 төрлөөр өрсөлдөж, дүнгээ гаргана.

Өсвөрийн сэргийлэгч бүлгэмийн хүүхдүүд өөрсдийн хариуцсан сургууль дээр үе тэнгийн сурагчдаа гэмт хэрэг, зөрчлөөс урьдчилан сэргийлэх чиглэлээр хэрэгжүүлсэн ажлаараа ханын самбар хийж, үзэсгэлэн гарган бусдадаа сайн туршлагаа түгээж байгаагаараа онцлогтой.