УИХ дахь Ардчилсан намын зөвлөлөөс Засгийн газрын сайд 10 сая ам.долларын авлигал авсан гэх мэдээлэлтэй холбоотой асуудлаар мэдээлэл авах хүсэлтээ өнөөдөр /2019.05.16/ Ерөнхий сайд У.Хүрэлсүхэд хүргүүллээ. Сүүлийн үед хэвлэл мэдээлэл, олон нийтийн сүлжээгээр Засгийн газрын нэг сайд сая ам.долларын авлига авсан байж болзошгүй, хууль хяналтын байгууллага нягталж байгаа гэх мэдээлэл гарч байгаа учраас Засгийн газрын танхимын гишүүн авлига авсан эсэх асуудалд албан ёсны байр сууриа илэрхийлэхийг хүсчээ.

Энэ талаар УИХ АН-ын зөвлөлийн дарга Д.Эрдэнэбат "Нэг сайд ийм их хэмжээний мөнгөний авлигын асуудалд нэр холбогдсон нь Засгийн газрыг өөрийг нь тогтворгүй болгох чиглэл рүү явж байна. Энэ их ноцтой асуудал. Энэ яриад өнгөрөх асуудал биш. Бүх сайд энэ талаар байр сууриа илэрхийлж байгаа нь энэ асуудал олны анхаарлын төвд орсон сэдэв мөн байна гэсэн үг. Уул, уурхайн сайд мэдээлэл хийхдээ "Ерөнхийлөгчийн айлчлалаар хамт явсан нэг сайдтай холбоотой" гэсэн утгатай юм ярьсан байна лээ. Энэ талаар тодруулж өгөхийг У.Хүрэлсүхээс хүссэн" гэв.

Энэхүү мэдээлэлд,