Ахуйн газ үнэрлэсэн хүү амиа алдсан харамсалтай хэрэг гарчээ. Тодруулбал, энэ сарын 9-нд Баянгол дүүргийн Нэгдсэн эмнэлэгт 17-18 насны хүү яаралтай түргэн тусламжаар хүргэгдэн ирсэн юм байна.

Тухайн үед хүүг тус дүүргийн нутаг дэвсгэрт байрлах Чингүүнжавын хөшөөний дэргэд ахуйн газ үнэрлэснээс ухаан алдсан байдалтай байхад нь цагдаагийнхан олж, эмнэлэгт хүргэсэн ч амь насаа алдсан тухай албаны эх сурвалж мэдээлэв. Цагдаагийн байгууллагаас өгсөн мэдээллээр газ үнэртэн мансуурсан иргэдэд Зөрчлийн хуульд зааснаар торгууль оногдуулдаг юм байна.