Монгол Улсын гавьяат тамирчин, “Рио 2016” наадмын хүрэл медальт, 2017 оны ДАШТ-ий хүрэл медальт Д.Отгондалай МУГТ Н.Төгсцогтын менежер Эл Хэймонтой гэрээ байгуулан, мэргэжлийн бокст шилжихээр болсон албан бус мэдээлэл байна.

Тэрбээр хэвлэлд өгсөн ярилцлагадаа “Би гурван дэлхийн аваргад шүүгчдийн булхайгаас болж луйвардуулсан. Даана ч энэ тухай ярихаар ялагдсан хүн шалтаг хайж байгаа юм шиг сэтгэгдэл төрүүлэх гээд байдаг. Манайхан ялалтыг ойлгоно уу гэхээс ялагдлыг бараг ойлгодоггүй. Ялагдсан гэвэл тэгээд янз бүрээр хэлнэ. Яллаа гэвэл тэнгэрт тултал магтана. Тэдний хэлж буй магтаал биднийг нэг хэсэгтээ л газарт буулгахгүй шүү дээ. 2020 он хүртэл зүтгэнэ. 2020 онд ямар ч амжилт үзүүлсэн бай зодгоо тайлна. Тэгээд дараагийнхаа зорилгын төлөө хичээнэ дээ” хэмээн ярьсан нь мэргэжлийн бокст хүч үзэх нэг шалгаан нь болсон болов уу.

17-хан насандаа дэлхийн аваргаас мөнгөн медаль хүртэж, удалгүй хүн төрөлхтний их баяр цэнгэл олимпийн наадмаас мөнгөн медаль хүртэж ард түмнээ баярлуулж явсан МУГТ Н.Төгсцогт шүүгчдийн булхайгаас болж ялалтаа луйвардуулж байсан гашуун түүхий бий. Тиймээс ч тэрбээр мэргэжлийн бокст хүч үзэхээр эргэлт буцалтгүй шийдсэн гэдгээ фэйсбүүк хуудсаараа ард түмэнд мэдэгдэж байсан юм.