"Хүн аалз" хочтой Францын уулчин Алейн Роберт баасан гарагийн өглөө Хонконгийн тэнгэр баганадсан барилгын оройд улс төрийн үймээн самуунд автсан иргэдийг энхтайван байлгахыг уриалсан уриалгыг өлгөжээ. Уг уриалгад Хонконг, Хятадын далбаан дор гар барьж буйг дүрслэн харуулсан байна.

Хонконгийн ард иргэд олон сар Засгийн газраа эсэргүүцсэн жагсаж байгаа бөгөөд энэ нь даамжран цагдаа жагсагчдын хооронд хүчтэй мөргөлдөөн үүсгээд байгаа юм.

Өндөр барилга руу авирдаг гэдгээрээ дэлхий даяар алдартай 57 настай тэрбээр энэ үйлдлээ "Энх тайвныг тогтоох уриалга" хэмээжээ. "Магадгүй миний хийсэн зүйл жагсаалыг намжааж, бага ч гэсэн инээмсэглэл тодруулж магадгүй юм. Энэ бол миний л найдлага" гэж Алейн Роберт хэвлэл мэдээллийн хэрэгслээр мэдэгдлээ.

Тэрээр өмнөх олон авиралтын адил олс, бэхэлгээг ашиглаагүй байна.

Эх сурвалж: BBC