Турк улс руу шууд нислэг үйлдэх боломжтой боллоо

Aдмин / Эдийн засаг

Монгол Улс, Бүгд Найрамдах Турк Улсын Засгийн газар хооронд байгуулагдсан Агаарын харилцааны хэлэлцээрт нэмэлт, өөрчлөлт оруулах талаарх хоёр талт ажлын хэсгийн уулзалт 2 өдөр үргэлжилсний эцэст амжилттай болж санамж бичгийг өчигдөр үзэглэлээ.

Ингэснээр Монголын талаас агаарын тээвэрлэгч нэмэгдэх, хоёр талаас долоо хоногт тус бүр 3 удаагийн давтамжтай, нийт 800 суудлын хязгаартайгаар, дундын зогсолтгүй шууд нислэг үйлдэх боломж бүрдэж байна.

Одоогийн байдлаар зөвхөн Туркийн талаас “Туркиш эйрлайн” авиа компани 7 хоногт 3 удаагийн давтамжтай, 500 суудлын хязгаартайгаар Станбул-Бишкек-Улаанбаатар гэсэн дундын зогсолттой маршрутаар, давуу эрхтэй нислэг үйлдэж байгаа юм.

1995 онд байгуулагдсан Агаарын харилцааны хэлэлцээрт нэмэлт, өөрчлөлт оруулах асуудлаар хоёр талт уулзалтууд удаа дараа хийгдэж байсан ч өнөөдрийг хүртэл амжилтгүй болж байсан. Тэгвэл энэ удаа хоёр улсын Засгийн газрын төлөөлөл, Иргэний нисэхийн удирдах байгууллагын удирдлагууд оролцсон уулзалт, хэлэлцээр амжилттай болж хоёр улсын эрх ашгийг хангаж чадсан нэмэлт өөрчлөлтүүдийг Агаарын харилцааны хэлэлцээрт оруулан санамж бичгийг байгуулав.

Улаанбаатар-Станбул-Улаанбаатар чиглэлд ийнхүү нислэгийн тоо, суудлын тоо, нислэг үйлдэх авиа компани нэмэгдэж өрсөлдөөн бий болсноор тийзний үнэ буурах, Европ чиглэл рүү нисэхэд цаг хугацаа хэмнэх болон аялалын үнэ хямдрах зэрэг олон гарц нээгдэх юм. Санамж бичгийг хоёр талд нот бичгээр солилцсоноор хэрэгжиж эхэлнэ.

Агаарын харилцааны хэлэлцээрт нэмэлт өөрчлөлт оруулах хоёр талт уулзалтад Монголын талаас ЗТХЯ-ны Агаарын тээврийн бодлогын хэрэгжилтийг зохицуулах хэлтсийн дарга, Ажлын хэсгийн ахлагч Д.Мягмарсүрэн, ИНЕГ-ын дарга Л.Бямбасүрэн тэргүүтэй төлөөлөгчид, Туркийн талаас тус улсын Иргэний нисэхийн удирдах байгууллагын Ерөнхий захирал, ноён Бахри Кесиси тэргүүтэй төлөөлөгчид оролцлоо.


Сэтгэгдэл

Зочин [49.0.171.43] 2019-09-22 20:30:09

bi oilgosongui zuvhun turkiin nisleg l manaih ru niseh yumu manai ailines yah bolj baina

Зочин [59.153.113.51] 2019-09-22 13:52:06

Туркуудтэй нээх их сүжрээд байх хэрэггүй дээ монголын түүхийг булаах санаархал оролдлого нь их зэвүүн дээ европын хужаа нар

Зочин [139.5.217.197] 2019-09-22 09:06:43

Иргэний дайнтай Сири улсын дээгүүр нисэж болохгүй шүү гэж захих байна. Дайны утаанаас хол нисээрэй.

Зочин [59.153.112.253] 2019-09-22 08:39:29

hurelsuh geed uvchtei medrel ni medegdehgui oron garan duraak irgenii nisehieer togloj baigaa idej yyj hanaj tsadahaa meddeggui BADAMJUNAIGIIN heden bolovsrolgui achigch togooch tseverlegch nariig hezee chuluuluh veeeeeeee umhii notoi notstoi kazinochin andyyd huk ee

НМ [94.197.121.129] 2019-09-22 03:47:02

За тэгмээр юм даа. Бид ч гэсэн нисээд хүн зөөгөөд ашиг олмоор л байна ш дээ. Түрэгүүдэд хэзээ ч битгий итгэ гэдэг үг байдаг шүү, сануулчихая.


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.